Tshedimošo ye e beilwe go tee go thuša wena ka kgopelo ya gago go hwetša tšhelete go tšwa go NAC.Dikeletšo tše di swanela feela diprojeke tša thušo ya tšhelete.
Ke mang yo a Swanetšego ke Thušo ya Tšhelete?
Batho, Dihlopha tša motse, dinstitšušene le dikhamphani di ka kgopela thušo ya tšhelete.O ka kgopela thušo ya tšhelete ka mo mafapeng a bokgabo ao a latelago, Tiroatla, Go bina/Khoreokrafi, Dingwalo, Boopedi le Theatere ya mmino, Paesekopo/Tiragatšo, Thupišo-ntši le Bokgabo bja pono.Mekgatlo, diinstitšušene le dihlopha di swanetše go ngwadišwa ka se molao. Bakgopedi e swanetše go ba batho ba ba golo ka molao le go ba Maafrika Borwa.
Batho
Kgopelo tša batho ke tša mokgopedi a le tee yo a hlomago projeke.Ga gona batho bao ba swanetšego go thwadiwa go projeke ye.Se se direlwa go hola mongwalatiragatšo a le tee , dikhoreokrafa, bahlami le bapenti.
Mokgatlo
Mokgatlo re bolela ka sebopego seo se ngwadišitšwego se ena le batho bao ba šomago gotee.
Thušo ya tšhelete go ProjekeKa kgopelo ela hloko gore NAC e ka no se be maemong a go ka thuša ka tšhelete ya tekanyetšo ka moka ya projeke.Ka fao o eletšwa go tšwela pele ka go nyaka thušo ya ditšhelete go tšwa go methopo ye mengwe. Ka kakaretšo, thušo ya tšhelete e tla ba ya mananeo a bokgabo. Dikhotheišene tša ditheko di swanetše go sepela le fomo ya kgopelo le bakgopedi ba swanetše go bolela ka moka methopo ye mengwe ya thušo ya tšhelete. Bontši bja sebaka sa go sepetša projeke ke dikgwedi tše lesome pedi.Lebaka le swanetše go fiwa go pheto tekanyo ya diphesente tše lesome hlano tša ditheko tša taolo.Diprojeke di thušwa ka tšhelete ga tee mo ngwageng wa ditšhelete.Dikgopelo ka moka di swanetše go dirwa mo difomong tša semmušo tša kgopelo tša NAC. Diprojeke di swanetše ke go bewa mo atreseng yeo e ngwadilwego mo go fomo ya kgopelo.Diphetogo mo go atrese di swanetše go botšwa dikantoro tša NAC mo matšatšing a šupago.
Diprojeke tša Boeti
Dikgopelo tša boeti di tla lebelelwa ge feela leeto leo le akantšwego le thuša ka profiale ya bosetšhaba ya khamphani goba sehlopha le go oketša mohola go maphelo a ma Afrika Borwa ka kakaretšo. Bakgopedi bao ba memilwego go bapala ka ntle ga naga ba swanetše go ba le mohuta o mongwe wa thekgo ka tšhelete go tšwa go naga ye e lego monggae. Naga/mokgatlo wo o lego monggae o swanetše go romela bohlatse bja go lefela ditshenyegelo tša go swana le marobalo, dijo, tefo ya tšatši ka tšatši ya go iphediša le senamelwa sa ka gare ga naga. Tumelano ya tiro le yona e swanetše go felegetša kgopelo go ya go NAC. NAC e ka se iše hloko kgopelo efe goba efe ya go tšea maeto a go ya mošola wa mawatle ge mangwalo ao a kgopetšwego a sa fiwe. Mo mabakeng a ka moka NAC e ka se be mothuši ka ditšhelete e le noši. NAC e na le tokelo ya go ka felegetša bakgopedi ka moka ga bona mo go maeto a bo ditšhabatšhaba.
DIPASARI
Thušo ya Bosetšhaba ka Tšhelete
Dikgopelo di tlišwa go dihlogo tša mafapa a institušenale. Bontši bja kabelo ya tšhelete bo tla išwa go thušo ka tšhelete ya "ploko".
Dialogadigolwane di tla thušwa ka tšhelete ga tee feela tebantšhong ya bohlatse bja go kgona.
Thušo ya bo Ditšhabatšhaba ka Tšhelete:
NAC e thuša ka tšhelete go dithuto tša boditšhabatšhaba mo go maemo a boithutelatikrii le boalogabogolwane. Dikgopelo tše di ka no dumelelwa ge e le gore mangwalo a dithuto a mohuta woo ga a gona ka mo nageng. Bohlatse bja tumelelo bo swanetše go felegetša dikgopelo. NAC e ka se be mothuši ka tšhelete e le noši.
Thušo ka tšhelete go Khamphani
Tona ya bo setšhaba ya bokgabo le setšo o dumelela thušo ka tšhelete ya dikhamphani tše dingwe tša bokgabo ka morago ga mengwaga e meraro. Boikemišetšo bja go thuša khamphani ka tšhelete ke go tiiša dikhamphani tšeo di kgathago tema go bokgabo, go nolofatša tlholo ya mešomo e meswa le tlholo ya mošomo go dikgabiši. Thušo ka tšhelete e swanela mekgahlo yeo e ngwadišitšwego. Bakgopedi ba memiwa ga tee mo mengwageng e meraro. Mohuta wo wa thušo ka tšhelete ke wa dikhamphani tša bokgabo tšeo di nago le mohlala wa bopaki. Bakgopedi ba ka moso ba swanetše go ba le ditokumente tšeo di latelago: khamphani profile, sethalo sa kgwebo, go akaretša le lenaneo la bokgabiši, dikanego tša ditšhelete tšeo di lekotšwego, sebopego sa taolo le boto.
Mafapa ao re sa a thušego ka tšhelete
Ditšhenyegelo tša tsamaišo , seed thušo ka tšhelete, infrastraktšha, diphadišano tša kgatišo, theko ya didirišwa tša mmino, dikhwaere tša kereke, tshwantšho ya websaete, bonggae bja websaete, tshwantšho ya bogare, thuta boagi, taolo ya ditiragalo, batšwetšapele le dihlopha tšhoganetšo ( ad hoc groups).
Taolo-tumelelo
Bakgopedi ba kgopelwa go tliša ditokumente ka moka le dikgopelo tša bona. Dikgopelo tšeo di feksitšwego, di sego tša saenwa, di emeitšwego le tšeo di se go tša felela di ka se amogelwe. Dikgopelo tšeo di se go tša felela di ka se hlokomelwe.
Tšatšikgwedi leo dikgopelo di tswalelwago
Tšatšikgomo la dikgopelo le phatlalatšwa ka gare ga dikuranta tše di kgolo tša bosetšhaba le mo go websaete ya NAC. Dikgopelo tšeo di latetšwego le tša go se felele di ka se hlokomelwe empa di tla šutišetšwa go tulo ye e latelago ya thušo ka tšhelete . NAC e na le tokelo ya go dumelela/ le go se dumelele kgopelo.
Tšhielo ya ditokelo: NAC e na le tokelo ya go ka fana ka ditšhelete go ya ka dilo tšeo di tla go pele tša lenaneo la NAC. Se ga se gatakele ditokelo tša molaotheo tša bakgopedi bafe goba bafe. Ga gona mokgopedi yo a nago le maswanedi automatically go thušo ka tšhelete; ka moka thušo ka tšhelete ke ka boikgethelo bja NAC.
Dipotšišo le Tshedimošo
